ULIKUWA UNAFAHAMU HAYA,BASI SOMA HISTORIA HII YA SIKU KAMA YA LEO MYAKA KADHAA ILIYOPITA

Siku kama ya leo miaka 35 iliyopita kulitokea mapigano makali kati ya maafisa wa utawala wa Shah na wananchi wa Iran ikiwa ni wakati yalipofanyika maandamano makubwa ya wananchi katika miji kadhaa ya Iran. Wananchi wengi wanamapambano waliuawa shahidi na wengine kujeruhiwa katika maandamano hayo. Katika siku hiyo pia wanachuo na wakazi wa mji wa Tehran ambao walikuwa wamekusanyika kwa wingi mbele ya Chuo Kikuu cha Tehran walitangaza kuupinga utawala wa Shah wakitaka kurejea Tehran Imam Khomeini M.A, kutoka Paris, Ufaransa. Harakati hiyo ya wanafunzi wa vyuo vikuu ilishuhudiwa huku maeneo ya vyuo vikuu yakizingirwa na wanajeshi na vikosi vya usalama.

Miaka 73 iliyopita katika siku kama leo ulifanyika huko London, Uingereza mkutano wa kihistoria wa waitifaki wa Ulaya wakati wa Vita vya Pili vya Dunia. Mkutano huo ulifanyika kufuatia pendekezo lililotolewa na Winston Churchill, waziri mkuu wa zamani wa Uingereza kwa lengo la kuratibu siasa za viongozi wa nchi za Ulaya katika medani za vita dhidi ya nchi mbili za Ujerumani na Italia. Mkutano huo ulihudhuriwa na Uingereza, Uholanzi, Ubelgiji, Ufaransa, Ugiriki, Norway, Luxembourg na Denmark.

Na miaka 564 iliyopita katika siku kama ya leo, alizaliwa Bartholomeo Dias baharia na mvumbuzi wa Kireno. Baada ya kukatisha Bahari ya Atlantic kuelekea upande wa kusini, mwaka 1488 Miladia Dias alivumbua Rasi ya Tumaini Jema (Cape of Good Hope) katika ncha ya kusini zaidi ya bara la Afrika. Miaka 10 baadaye Vasco da Gama baharia mwingine wa Kireno alifanikiwa pia kuvumbua njia inayokwenda hadi India kupitia masafa hayo hayo ya Afrika.

TOA MAONI YAKO HAPA CHINI