GWIJI WA ZAMANI WA SOKA DUNIANI MARADONA AKUTANA NA TIMU YA MAN-UTD JIJINI DUBAI,VAN PERSIE,MATA,FERDINAND WANUFAIKA KUKUTANA NAE

Rio Ferdinand akila pozi na mzee Maradona pande za Dubai

WACHEZAJI wa Manchester United wamekutana na kuzungumza naye, gwji wa soka duniani, Diego Maradona katika kambi yao ya mazoezi nchini Dubai.

Kiungo huyo mstaafu wa Argentina, maarufu zaidi kwa 'Mkono wa Mungu' kutokana na kuifunga bao la mkono England katika Fainali za Kombe la Dunia mwaka 1986, alikutana na nyota hao walioweka kambi ya wiki moja huko.

Mkali wa mabao: Mshambuliaji wa Uholanzi, Robin van Persie akiwa na Diego Maradona ambaye ni shujaa wake

Robin van Persie, Juan Mata, Rio Ferdinand na David de Gea walikuwa miongoni mwa wachezaji wa United waliopiga picha na mchezaji huyo mwenye umri wa miaka 53, ambazo waliziposti kwenye mitandao yao ya kijamii.

Maradona ni kipenzi cha wengi miongoni mwa wapenzi na wadau wa soka, wakiwemo wachezaji wenyewe na Mata na Van Persie wamesema wao ni mashabiki wa wakubwa wa gwiji huyo.

Kipa wa United, David de Gea akiwa na Maradona

Nyota hao wawili wa United walishindwa kuficha furaha yao baada ya kumuona Maradona akiwasili kwenye viwanja walivyokuwa wanafanya mazoezi na haraka wakaenda kuposti juu ya mchezaji huyo wa zamani wa Boca Juniors kwenye Twitter.

"Mabibi na mabwana, mtumia mguu wa kushoto bora daima! EL DIEGO. #Maradona," alisema Mata.

Van Persie alisema: "Babu kubwa kukutana na shujaa wangu tena, Diego bora daima,". 

Babu kubwa: Kiungo wa Hispania, Juan Mata hakukosa nafasi ya kupicha picha na Maradona

Maradona alikuwa hatari sana anapoingia kwenye eneo la mita 18 la wapinzani na haikuwa ajabu Ferdinand na de Gea walitumia fursa hiyo kupata ushauri kutoka kwa mkali huyo wa zamani wa Argentina.

Ferdinand aliposti picha akiwa na Maradona kwenye Instagram yake, akiambatanisha na maelezo: "Mimi na #Gwiji#DiegoMaradona #Mkuu".

Kipa De Gea ameandika: "Babu kubwa kuwa namba 10 bora!! "El Pelusa"'

Nyota huyo wa Amerika Kusini yupo kwa muda mrefu Dubai na amekuwa kocha wa Al Wasl FC inayoshiriki ya Ligi ya Umoja wa Falme za Kiarabu (UAE), hadi mwaka 2012.

United imefuata hali ya hewa ya joto Dubai ili kufanya mazoezi ya wiki moja.

TOA MAONI YAKO HAPA CHINI