HOFU IMEANZA KUTANDA KUWA UINGEREZA YAHOFIWA KUTUMWA MAGAIDI WAKE HUKO SYRIA

Waziri wa Mambo ya Nje wa Uingereza amesema, ana wasiwasi na hatua ya baadhi ya raia wa nchi hiyo ya kuelekea nchini Syria kwa ajili ya kushiriki katika mapigano. Akihojiwa na kanali ya televisheni ya CNN ya Marekani, William Hague amesema kuwa, kwa mujibu wa ripoti zisizo na shaka yoyote, mamia ya raia wa Uingereza na wa nchi nyingine za Magharibi wanapigana bega kwa bega na magaidi huko Syria. Akiulizwa swali juu ya uwezekano wa wapiganaji hao wa Uingereza kuondoka huko Syria na kurejea nchini kwao kwa lengo la kuendeleza mashambulizi ya kigaidi huko Uingereza, Waziri wa Mambo ya Nje wa nchi hiyo amejibu kwa kusema kuwa, London itasimama imara kukabiliana na mashambulizi ya kigaidi yanayoweza kufanywa na watu hao.
Hague ameashiria kuweko uwezekano wa kuzuiwa kurejea magaidi hao nchini Uingereza na kuchukuliwa hatua kali za kiusalama na kueleza kuwa, wapiganaji hao ni hatari kwa usalama wa Uingereza. Nchi za Magharibi ikiwemo Uingereza, katika kipindi cha miaka mitatu iliyopita zimekuwa zikiyaunga mkono kwa hali na mali makundi ya kigaidi na yale yenye misimamo ya kufurutu mipaka huko Syria.  

TOA MAONI YAKO HAPA CHINI