MATUNDA MAZURI YAANZA KUONEKANA KWA MCHEZAJI WA ZAMANI WA TP MAZEMBE STOPILA SUNZU KWENYE CLUB YA SOCHAUX

BEKI, Mzambia Stopilla Sunzu amekuwa tishio Ufaransa baada ya kutajwa kuwa mchezaji bora wa mwezi Januari kwenye klabu ya Sochaux inayoshiriki Ligi Kuu Ufaransa maarufu, Ligue 1.

Ikiwa ni mwezi wake wa kwanza tu kwenye ligi hiyo, beki huyo wa kati ameonyesha ubora mkubwa na kuwafurahisha mashabiki wa timu hiyo kutokana na staili yake ya uchezaji.

Kwenye mchakato huo, Stopilla, 24, aliwashinda Sebastien Corchia na Jordan Ayew, ambao walishika nafasi ya pili na tatu kwa ubora mwezi uliopita.

Tangu alipojiunga na timu hiyo akitokea TP Mazembe, staa huyo wa Chipolopolo amecheza mechi zote tano za kiushindani, alifunga bao mwanzoni mwa mwezi huu kwenye mechi ya ushindi dhidi ya Nantes.

“Stopilla Sunzu amechaguliwa kuwa mchezaji bora wa klabu hii kwa mwezi Januari baada ya kupata kura 26.2. Wengine waliomfuatia ni Sebastien Corchia kura 23.7 na Jordan Ayew kura 13.4,” ilibainisha taarifa kutoka tovuti ya Sochaux.

TOA MAONI YAKO HAPA CHINI