SIJALI KUCHEZA POPOTE AMBAPO COACH MOYES ATANIAMBIA JAPO NIMEZOWEA SAANA KUSHOTO:MATA

STAA mpya wa Manchester United, Juan Mata amedai atacheza katika nafasi yoyote ambayo atapangwa na kocha wake, David Moyes, na ana furaha kuamua kutua Manchester United kutoka Chelsea.

Jumatano usiku Mata alipangwa pembeni katika pambano dhidi ya Arsenal, huku tayari Moyes alishamtumia nafasi ya kiungo mchezeshaji nyuma ya mshambuliaji mmoja katika baadhi ya mechi zilizopita.

Hata hivyo, Mata amedai kwamba hana tatizo na sehemu anayopangwa na atacheza eneo lolote ambalo Moyes ataamua kumpanga.

“Katika maisha yangu yote ya soka nimecheza kushoto, kulia na hata nyuma ya mshambuliaji. Sijali kucheza popote ambapo kocha ataniambia. Nina furaha klabuni hapa.

Nafurahia tena soka langu. Napata dakika nyingi za kucheza uwanjani,” alisema Mata.

“David de Gea amenisaidia kutulia. Chicharito, Valencia na Rafael wote wanazungumza Kihispaniola, lakini kila mtu pia amekuwa akinisaidia.”

TOA MAONI YAKO HAPA CHINI