SWALA LAKUFANYIWA OPERESHENI YA MAKALIO YA RIBERY LITAMPELEKEA KUZIKOSA MECHI KADHAA ZA LIGI MABINGWA ULAYA IKIWEMO YA ARSENAL

WINGA wa Bayern Munich, Franck Ribery, amefanyiwa operesheni ya makalio na atakuwa nje ya uwanja mpaka Machi huku akitazamiwa kukosa mechi ya awali ya Ligi ya Mabingwa Ulaya dhidi ya Arsenal.

Ribery anatazamiwa kuzikosa mechi tatu za Bayern ikiwamo ya Jumatano ijayo dhidi ya Arsenal na kuna hatihati kama atawahi pambano la marudiano litakalochezwa Ujerumani Machi 11.

Hata hivyo amepangiwa kurudi uwanjani Machi Mosi katika pambano dhidi ya Schalke 04 ingawa haifahamiki kama atakuwapo uwanjani siku hiyo au anaweza kuwa fiti kucheza na Arsenal siku 10 baadaye.

Mishipa ya damu katika makalio ya winga huyo wa kimataifa wa Ufaransa, imepasuka na tayari upasuaji umefanyika kwa ajili ya kuirekebisha. Tatizo hilo halitazamiwi kuwa la muda mrefu.

TOA MAONI YAKO HAPA CHINI