MKALI WA RNB KUTOKA MAREKANI TYRES AMEEINGIA KWENYE MZOZO TENA NA MPENZI WAKE WA ZAMANI HADI POLISI KUITWA

Wakati ambapo dunia ilikuwa ikisubiri kuathimisha siku ya wapendanao ‘Valentine’s day’ masaa machache yajayo, taarifa za kupendana na kuzinguana kati ya mastaa walio kwenye mahusiano zinaendelea kuwa mfano wa misukosuko na raha katika mapenzi.
Kwa upande wa mwimbaji wa RnB na muigizaji wa Fast and Furious mwenye mashabiki wengi hasa wa kike, Tyrese Gibson ameingia kwenye mzozo mkubwa kwa mara nyingine na mkewe wa zamanai Norma Gibson, na kuzua ugomvi uliopelekea polisi kuitw ili wasaidie kuamua kwa amani.
Kwa mujibu wa TMZ, Norma ndiye aliyewaita polisi baada ya Tyrese kufika nyumbani kwake akitaka kumchukua binti yao Shayla mwenye umri wa miaka 6 kwa mujibu wa ratiba ya kumtembelea, lakini Norma alimzuia kwa kuwa mtoto huyo alikuwa mgonjwa.
Majibishano yaliongezeka na polisi walipofika mambo yalienda vizuri ambapo chanzo kimoja kimeiambia TMZ kuwa amani ilikuwepo na hakuna maelezo yaliyochukuliwa na polisi kwa ajili ya mashitaka.
Hata hivyo, chanzo cha kilichoaminiwa na TMZ kimedai kuwa Tyrese anaamini kuwa mtoto huyo hakuwa anaumwa bali mama yake alitaka asimchukue, na kwamba amewahi kufikiria kumfungulia mashitaka na kumfunga Norma kwa madai kuwa amekiuka amri ya malezi.
Tyrese na Norma walikuwa wapenzi tangu mwaka 2003, na walimpata mtoto wao Shayla mwaka 2007. Lakini wawili hao walilazimika kutengana mwaka 2009.

TOA MAONI YAKO HAPA CHINI