TAARIFA KUTOKA C.A.R ZASEMA KUWA WATU WAPATAO 70 WAMEFARIKI DUNIA

Watu wasiopungua 70 wameuawa katika machafuko ya Jamhuri ya Afrika ya Kati katika mapigano mapya kabisa yaliyoripotiwa kutokea nchini humo. Kamishna wa Polisi Elie Mbailao amesema kuwa, machafuko hayo yamejiri katika mji wa kati wa Boda ulioko umbali wa kilomita 100 kutoka mji mkuu Bangui. Kamishna Mbailao amewaambia waandishi wa habari kwamba, Wakristo waliokuwa na silaha waliwashambulia Waislamu katika mji huo na kuchoma moto baadhi ya nyumba. Mauaji hayo yanatokea katika hali ambayo, kuna maelfu ya wanajeshi wa Ufaransa na vikosi vya Kiafrika katika nchi hiyo inayokabiliwa na machafuko. Ripoti zaidi kutoka nchini humo zinasema kuwa, mashambulio dhidi ya Waislamu katika Jamhuri ya Afrika ya Kati yameshadidi hasa katika mji mkuu Bangui, huku wafuasi wa dini hiyo ambao ni wachache  nchini humo wakiendelea kulengwa na mashambulio ya kulipiza kisasi. Wanamgambo wa Kikristo wa Anti-Balaka wanawashambulia Waislamu na hata kuchoma misikiti na mali zao ili kulipiza kisasi cha mashambulizi ya huko nyuma ya waasi wa Seleka.

TOA MAONI YAKO HAPA CHINI