JE,BAADA YA RAIS MUSEVENI KUPITISHA SHERIA INAYOPIGA MARUFUKU VITENDO VYA LIWATI NA USAGAJI ULIWAHI KUPATA TAARIFA ZAKUWA NCHI YA SWEEDEN ILIKATA NA YAO PIA MISAADA KWA NCHI HIYO?

Serikali ya Sweden iliweza kusimamisha misaada ya kifedha iliyotengwa awali kwa ajili ya serikali ya Uganda. Waziri wa Ushirikiano ya Maendeleo ya Kimataifa amesema kuwa, uamuzi huo umechukuliwa kutokana na serikali ya Uganda kupitisha sheria inayopiga marufuku vitendo vya liwati na usagaji nchini humo. Bi. Hillevi Engstroem ameongeza kuwa, serikali ya Stockholm inaunga mkono vitendo vya liwati na usagaji na itapeleka misaada yake Uganda kupitia njia nyingine. Nchi nyingine za Ulaya kama vile Denmark, Norway na Uholanzi tayari zimeshakata misaada yao kwa serikali ya Uganda, na kuamua kutoa misaada hiyo kupitia taasisi na sekta binafsi. Serikali ya Sweden ilitenga dola milioni 34 kwa serikali ya Uganda, ambapo asilimia 42 ya fedha hizo zilipaswa kutumika katika masuala ya kuboreshwa demokrasia, haki za binadamu na usawa wa kijinsia. Inafaa kuashiria hapa kuwa, sheria dhidi ya vitendo vya liwati na usagaji ilipitishwa bungeni mwezi Disemba mwaka jana, na kutiwa saini na Rais Yoweri Museveni tarehe 24 Februari mwaka huu, hatua ambayo imekosolewa vikali na nchi za Magharibi.

TOA MAONI YAKO HAPA CHINI