WA ALGERIA WAOMBWA KUTOSUSIA UCHAGUZI KWA SABABU NI HAKI YAO KUPIGA KURA

Vyama vya siasa vya nchini Algeria vimewataka wananchi wa nchi hiyo watumie vyema haki yao ya kupiga kura na kutosusuia uchaguzi. Wawakilishi wa vyama 10 vya siasa na baadhi ya taasisi za kiraia za Algeria leo wamesisitiza kuwa, kuna udharura wa kushiriki kwa wingi wananchi katika upigaji kura kwani kususia uchaguzi sio njia inayofaa kutumiwa kuleta mageuzi ya utawala nchini humo.

Vyama hivyo vimesema kuwa, kususia uchaguzi kutatayarisha mazingira ya kufanyika udanganyifu.  Kampeni za uchaguzi wa rais wa Algeria zitaanza rasmi Machi 23 na uchaguzi huo utafanyika April 17 mwaka huu. Kuna wagombea 12 waliojiandikisha kugombea katika uchaguzi huo akiwemo rais wa sasa Abdulaziz Bouteflika.

TOA MAONI YAKO HAPA CHINI