SOMA KILE ALICHO KISEMA KATIBU MKUU WA UMOJA WA MATAIFA MZEE BAN KI MOON KUHUSU INCHI YA SYRIA

Katibu Mkuu wa Umoja wa Mataifa amesema amesikitishwa na kushindwa jumuiya za kimataifa kuutatua mgogoro unaoendelea kutokota nchini Syria na kusisitiza kuwa, mapigano nchini humo ambayo yameingia mwaka wake wa nne, yameitumbukiza nchi hiyo kwenye mgogoro mkubwa wa kiusalama na kibinadamu. Ban Ki moon ameongeza kuwa, kila siku mamia ya raia wasio na hatia huuawa nchini humo. Katibu Mkuu wa Umoja wa Mataifa amebainisha kuwa, mwendelezo wa mapigano nchini humo umesababisha hadi sasa zaidi ya watu laki moja na elfu thelathini kuuawa na mamilioni ya wengine kuyakimbia makazi yao. Bila ya kuzitaja nchi zinazopeleka silaha kwa makundi ya kigaidi nchini Syria, Ban Ki moon amesema kuwa, upelekwaji wa silaha hizo kwa makundi ya kigaidi kumeshadidisha mgogoro huo. Amesisitiza kuwa, jamii ya kimataifa haitafumbia macho kuona mgogoro huo wa kibinadamu ukiendelea nchini Syria.

TOA MAONI YAKO HAPA CHINI