SOMA KILE ILICHO KISEMA SERIKALI YA SOMALIA KWA KUNDI LA KIISLAM LA AL-SHAABAB

Serikali ya Somalia imetangaza kuwa iko tayari kuwasamehe wapiganaji wa kundi la al Shabab mkabala wa kundi hilo kuweka chini silaha zao.
Waziri Mkuu wa Somalia Abdiweli Sheikh Ahmed ameyasema hayo baada ya kuanza operesheni kamambe ya kijeshi inayolishirikisha jeshi la taifa la Somalia na vikosi vya kulinda amani vya Umoja wa Afrika AMISOM kwenye maeneo matatu ya katikati na kusini mwa nchi hiyo. Waziri Mkuu wa Somalia ameongeza kuwa, vikosi vya jeshi la AMISOM na majeshi ya Somalia kwa pamoja yamefanikiwa kukomboa miji mitano ya kiistratijia iliyoko kusini magharibi mwa nchi hiyo ukiwemo mji wa Bakol ambao kwa miaka kadhaa ulikuwa chini ya udhibiti wa wanamgambo wa al Shabab.
Kundi la al Shabaab limekuwa likipoteza udhibiti wake katika maeneo mengi ya kusini na katikati mwa Somalia tangu mwaka 2011.

TOA MAONI YAKO HAPA CHINI