MKUTANO WA KUDHIBITI HUDUMA YA INTERNET WAANZA NCHINI BRAZIL

Mkutano wa kimataifa wa kudhibiti intaneti unatarajiwa kuanza leo nchini Brazil baada ya kufichuliwa udukuzi unavyofanywa na Marekani dhidi ya nchi nyinginezo.

Wawakilishi kutoka nchi mbalimbali duniani watakaoshiriki mkutano huo wa siku mbili mjini Sao Paulo, wanatarajiwa kuweka sheria za kudhibiti intaneti huku baadhi ya nchi zikipanga kuunda chombo cha kimataifa kitakachodhibiti kazi za kiufundi mitandaoni.

 Hivi sasa Marekani ndio inayosimamia Mtandao wa Dunia Nzima (World Wide Web) lakini nchi nyingi zinahisi kughilibiwa baada ya kufichuliwa vitendo vya kijasusi vinavyofanywa na mashirika ya kijasusi ya Marekani mitandaoni. 

Hayo yamejiri ikiwa ni miezi mitatu tangu Edward Snowden, wafanyakazi wa zamani wa Shirika la Usalama la Marekani (NSA) aanike hadharani kwamba mashirika mawili ya kijasusi ya nchi hiyo yanasikiliza mazungumzo ya simu na mitandanoni ya mamiliaoni ya watu barani Ulaya na kwingineo duniani.

TOA MAONI YAKO HAPA CHINI