MWISHO WA VYOTE STAR WA INTAMBA MURUGAMBA DIDIER KAVUMBAGU AAMUWA KUIKIMBIA YANGA NA KUJIUNGA NA TIMU TAJIRI YA AZAM FC

Nahodha wa timu ya taifa ya Burundi ya Intamba kwenye mechi ya kirafiki kati ya Burundi na Tanzania kwenye siku kuu ya sherehe za muungano, Didier Kavumbangu amesaini Mkataba wa miaka miwili na mabingwa wapya wa Ligi Kuu ya Vodacom Tanzania Bara, Azam FC mchana wa mapema hapo jana,
Kavumbangu aliyemaliza Mkataba wake wa miaka miwili Yanga SC, ameamua kusaini Azam FC baada ya kuona klabu yake haina mawasiliano naye licha ya kumaliza Mkataba wake.

Mchezaji wa kimataifa Didier Kavumbagu akisain mkataba wa mwaka mmoja wa kuitumikia Timu yake mpya ya Azam Fc ktk Msimu ujao wa ligi kuu Tanzania bara pamoja na mashimdano ya kimataifa

“Mimi ni mchezaji, kazi yangu ni mpira. Nimemaliza mkataba Yanga, lakini viongozi hawaniambii kitu, nimepata ofa nzuri Azam nikaamua kusaini,” amesema Kavumbangu akizungumza na waandishi wa Habari baada ya kusaini Mkataba huo ambao unamfanya alipwe vizuri kuliko alivyokuwa analipwa Jangwani. 

Pamoja na hayo, Kavumbangu ameishukuru Yanga SC na mashabiki wayo kwa miaka miwili aliyoichezea timu hiyo na anasema itabakia kwenye kumbukumbu zake kwa kuwa ameshinda nayo mataji. Mshambuliaji huyo mrefu mwenye nguvu amesema sasa akili yake anaipeleka kwa mwajiri wake mpya, Azam FC ambako pia amepania kwenda kushinda mataji na kuiwezesha timu hiyo ya Alhaj Sheikh Said Salim Awadh Bakhresa na familia yake kufanya vizuri kwenye michuano ya Afrika.   “Mimi sasa ni mchezaji wa Azam, nafurahi kujiunga na klabu hii kubwa. Kawaida yangu huwa nashabikia klabu nayochezea, sasa mimi ni mshabiki namba moja wa Azam,”amesema.

Kavumbangu alitua Yanga mwaka 2012 akitokea Atletico ya nchini Burundi na katika mechi misimu miwili ya kuichezea klabu hiyo, amefunga mabao 31 katika mechi 63 za mashindano yote, moja tu la penalti.

TOA MAONI YAKO HAPA CHINI