HUYU NDO RAIS KUTOKA AFRICA ALIYE KUBALI KUWA YUKO TAYARI KUONDOKA MADARAKANI IKIWA MAHAKAMA YA NCHI YAKE ITAAMUWA AONDOKE

Rais Joyce Banda wa Malawi amesema kuwa yupo tayari kuondoka madarakani iwapo mahakama kuu ya nchi hiyo itaamua hivyo kuhusu mgogoro wa uchaguzi uliofanyika wiki iliyopita na mpinzani wake kutangazwa mshindi. Hata hivyo Bi. Banda amesema bado anaamini kulitokea udanganyifu katika uchaguzi huo.  Mahakama Kuu ya Malawi inatarajiwa leo kuamua iwapo Tume ya uchaguzi ya nchi hiyo (MEC) itangaze matokeo ya uchaguzi wa Mei 20 ambayo mpinzani wa Banda anatarajiwa kuwa mshindi, au itoe amri ya kuhesabiwa tena kura, hatua ambayo huenda ikachukua muda wa miezi miwili. Rais Banda amesema kuwa, atakubali uamuzi utakaotolewa na mahakama hiyo na kwamba atapumzika siasa akijua kuwa alifanya jitihada za kulinda haki za Wamalawi katika kipindi nyeti ili kuhakikisha kuwa wanapata kiongozi aliyechaguliwa kwa njia ya haki na kuaminika.
Wiki iliyopita Rais Banda alibatilisha uchaguzi mkuu wa rais na kutaka uchaguzi mwengine mpya uitishwe ndani ya muda wa siku 90 akisema kuwa kulitokea udanganyifu na ukiukwaji mkubwa wa kanuni za uchaguzi.

TOA MAONI YAKO HAPA CHINI