KUTANA NA HIZI HISTORIA AMBAZO INAWEZEKANA ULIKUWA HUYAJUI KAMA YANAAMBATANA NA SIKU KAMA YA LEO

Siku kama ya leo miaka 439, ardhi ya Angola ilikaliwa kwa mabavu na mkoloni Mreno. Kabla ya Wareno kuwasili Angola, ardhi hiyo ilikuwa sehemu ya utawala wa Kiafrika wa Guinea. Baada ya Wareno kuidhibiti nchi hiyo walianzisha vituo vya biashara katika maeneo yake yote ya pwani. Baada ya kumalizika vita vya Pili vya Dunia, harakati kadhaa zilianzishwa nchini Angola kwa lengo la kuipatia uhuru nchi hiyo. Hatimaye mwaka 1975 harakati za wapigania uhuru zilizaa matunda baada ya nchi yao kupata uhuru.

       

-------------------------------------------------------------------------------

Miaka 203 iliyopita na katika siku kama ya leo kulinganana na kalenda ya Milaadia, nchi ya Paraguay ilipata uhuru. Paraguay iligunduliwa katika karne ya 16 Miladia na Muhispania mmoja na ikawa chini ya utawala wa Uhispania kwa zaidi ya karne mbili. Baada ya uhuru nchi hiyo ilitawaliwa na serikali ya kidikteta na kulishudiwa majaribio kadhaa ya mapinduzi na kila aliyekuja madarakani aliongoza kidikteta. Uchaguzi wa kwanza huru wa Rais ulifanyika nchini humo mwaka 1989. Kijiografia Jamhuri ya Paraguay inapatikana huko Amerika Kusini baina ya nchi za Brazil, Argentina na Bolivia.

        -------------------------------------------------------------------------------

Na Siku kama ya leo miaka 1375 iliyopita, alifariki dunia Muawiya bin Abi Sufiyan muasisi wa silsila ya Bani Umayya. Muawiya alizaliwa miaka 15 kabla ya Mtume Mtukufu kutoka Makka na kuelekea Madina, na aliingia kwenye dini ya Kiislamu baada ya Mtume Mtukufu SAW kuikomboa Makka. Muawiya alikuwa liwali wa Sham, baada ya Umar bin Khattab kuwa khalifa wa Waislamu. Wakati wa utawala wa Imam Ali AS, Muawiya bin Abi Sufiyan aliamua kuingia kwenye vita vya Siffin dhidi ya Imam Ali AS, kwa kisingizio eti cha kulipiza kisasi cha kuuawa Uthman bin Khaffan.

TOA MAONI YAKO HAPA CHINI