NCHI YA KENYA YAGEUKA KIGOMBEWA KATI YA ULAYA NA CHINAA

Safari ya Waziri Mkuu wa China Li Keiqiang huko Kenya hivi karibuni imetajwa kuwa ni sehemu ya mashindano ya Umoja wa Ulaya na China kuhusu kujikita nchini Kenya kiuchumi. Kwa mujibu wa makala iliyochapishwa na gazeti la Standard la mjini Nairobi, kabla ya kikao cha viongozi wa Afrika na Umoja wa Ulaya mapema mwezi jana mjini Brussels, mkuu wa Ujumbe wa EU nchini Kenya  Lodewijk Briet alipuuzilia mbali ushawishi wa China nchini Kenya na Afrika kwa ujumla. Alisema pamoja na kuongezeka ushawishi wa China barani Afrika Umoja wa Ulaya ungali mshirika muhimu wa maendeleo barani humo. Mwezi mmoja tu baada ya kikao cha Afrika na EU mjini Brussels waziri mkuu wa China ametemeblea Afrika ambapo amesisitiza kuwa China ndie mshirika wa kweli wa Afrika. Akiwa safarini Kenya, Li Keqian ametoa wito kwa wafanya biashara wa Kenya kuuza bidhaa zao China ili biashara iwe ya pande mbili. Wakuu wa Beijinga wanasema biashara na miradi ya maendeleo ya China nchini Kenya kama vile mabarabara, mahospitali n.k ni ya kiwango cha juu na haiwezi kulinganishwa na ile ya nchi za Magharibi. Hayo yanajiri katika hali ambayo katika kipindi cha wiki moja ijayo, Umoja wa Ulaya unatazamiwa kufanya mazungumzo na Jumuiya ya Afrika Mashariki ambayo uenyekiti wake wa sasa unashikiliwa na Rais Uhuru Kenyatta wa Kenya. Pande mbili zitajadili njia za kuondoa vizingiti kuhusu biashara ya pande mbili. Kwa msingi huo inaonekana kuna mashindano makubwa baina ya nchi za Magharibi na China kuhusu kueneza ushawishi nchini Kenya na Afrika kwa ujumla.

TOA MAONI YAKO HAPA CHINI