HIZI NDIZO HISTORIA ZINAZO ENDANA SAMBAMBA NA SIKU KAMA YA LEO YA JINI 13

Siku kama ya leo miaka 1180 iliyopita yaani tarehe 15 Shaaban mwaka 255 Hijria alizaliwa mwana wa Imam Hassan Askari ambaye ni miongoni mwa wajukuu watukufu wa Mtume Muhamamd (saw) Mahdi (af) katika mji wa Samarra nchini Iraq. Miaka mitano ya mwanzoni Mahdi (as) aliishi na baba yake na kuchukua hatamu za uongozi wa umma wa Kiislamu baada ya kuuawa shahidi baba yake mtukufu. Tangu wakati huo Imam alitoweka mbele ya macho ya watu na kwa kipindi cha miaka 69 alikuwa akiwasiliana na umma kupitia wawakilishi wake makhsusi. Baada ya kipindi hicho ambacho kinatambuliwa kuwa ni cha 'Ghaiba Ndogo', Imam Mahdi alikwenda kwenye Ghaiba Kubwa kwa amri ya Mwenyezi Mungu na atadhihiri tena kuja kuleta uadilifu, usawa na haki duniani baada ya kujazwa dhulma na uonevu. Tunamuomba Allah aharakishe kudhihiri kwake.

------------------------------------------------------------------------

Siku kama ya leo miaka 31 iliyopita, inayosadifiana na tarehe 23 Khordad 1362 Hijria Shamsia, Bi. Nusrat Amin, faqihi na mfasiri mkubwa wa Qurani Tukufu alifariki dunia akiwa na umri wa miaka 97 katika mji wa Esfahan ulioko katikati mwa Iran. Bi. Nusrat Amin aliutumia muda wake wote katika kuishughulikia Qurani Tukufu, na hata kufanikiwa kufasiri juzuu 15 za Qurani na kuandika vitabu kadhaa kama vile 'Njia ya Kufikia Saada na Nafahat Ar-Rahmania.

------------------------------------------------------------------------

Na Siku kama ya leo miaka 93 iliyopita, inayosadifiana na 13 Juni 1921 katika miaka ya mwanzo ya usimamizi wa Uingereza huko Palestina, kulianzishwa harakati kubwa katika ardhi yote ya Palestina inayokaliwa kwa mabavu na maghasibu wa Kizayuni. Harakati hiyo ilikuwa dhidi ya Wazayuni. Harakati ya wananchi hao ilibainisha upinzani wao dhidi ya siasa za kikoloni za Uingereza pamoja na uungaji mkono wa nchi hiyo kwa Wazayuni waliokuwa wameiteka ardhi ya Palestina. Siasa za Kikoloni za Uingereza zilijumuisha kuwashajiisha Wazayuni kutoka sehemu zote duniani waelekee Palestina ili kwa mujibu wa Azimio la Balfour, serikali ya Kizayuni iundwe ndani ya ardhi ya Palestina. Sera hiyo ya kikoloni ilitekelezwa mwaka 1948 wakati dola bandia la Israel lilipoundwa.

TOA MAONI YAKO HAPA CHINI