MAJERAHA YANAYO MKABILI SUAREZ YAMKOSESHA AMANI AKESHA USIKU NA MCHANA AKIFANYA MAZOWEZI ILI AONE KAMA ATAKUWA FITI.

Straika,Luis Suarez, anafanya mazoezi usiku na mchana kuhakikisha  anapona maumivu ya goti kwa wakati ili kuwahi mechi ya Kombe la  Dunia ambapo kikosi chake cha Uruguay kitashuka uwanjani kesho  Jumamosi kumenyana na Costa Rica.

Staa mwenzake, Cristian Rodriguez, amefichua kwamba Suarez halali na  amekuwa akifanya mazoezi ya nguvu muda wote ili kuwahi mechi ya  kwanza kwenye Kundi D, lakini kocha Oscar Tabarez alisema bado  hafahamu lini mchezaji huyo atakuwa fiti.

“Jamaa halali kabisa, anafanya mazoezi usiku na mchana kuhakikisha  anakuwa fiti kwa haraka zaidi,” alisema Rodriguez.

Fowadi huyo wa Liverpool alifanyiwa upasuaji Mei 22 baada ya kuumia  mazoezini. Kwa sasa anauguza jeraha na amekuwa akifanya  mazoezi ya kila aina kuhakikisha anaziwahi mechi za makundi za  michuano hiyo.

Baada ya kucheza na Costa Rica, Uruguay itamenyana na England, Juni 19 kabla ya kumalizia mechi ya mwisho kwenye kundi lao dhidi ya Italia  siku tano baadaye.

TOA MAONI YAKO HAPA CHINI