MWENYEKITI WA A.U BI ZUMA AONYA KWA MARA NYINGINE TENA KUHUSIANA NA VITENDO VYA KIGAIDI BARANI AFRICA.

Mwenyekiti wa Kamisheni ya Umoja wa Afrika Bi. Nkosazana Dlamini-Zuma ameonya juu ya kuendelea vitendo vya kigaidi katika maeneo tofauti ya bara la Afrika. Zuma aliyasema hayo jana katika mkutano wa viongozi wa Umoja wa Afrika mjini Malabo, Equatorial Guinea na kuonya juu ya kuendelea vitendo vya kigaidi katika nchi za Nigeria, Somalia na Kenya.

Bi. Nkosazana Dlamini-Zuma

Bi. Zuma ameongeza kuwa, kuongezeka vitendo vya kigaidi katika nchi za Kiafrika, kumeleta woga na wasi wasi mkubwa baina ya watu. Mkuu huyo wa Kamisheni ya Umoja wa Afrika amesisitiza kuwa, kuzimwa sauti za silaha katika nchi za Kiafrika, ni suala linalopaswa kupewa kipaumbele na kila serikali. Katika kikao hicho cha hapo jana Katibu Mkuu wa Umoja wa Mataifa, Ban Ki moon, alisema kuwa, umoja huo utashirikiana bega kwa bega na mataifa ya Afrika katika kukabiliana na migogoro na machafuko barani humo.

TOA MAONI YAKO HAPA CHINI