MWILI WA MUONGOZAJI MAHIRI WA VIPINDI NA FILAMU ZA KITANZANIA GEORGE TYSON WATARAJIWA KUAGWA KESHO

Mwili wa muongozaji wa filamu na vipindi vya Television, marehemu George Tyson utaagwa kesho jumanne (June3) katika viwanja vya leaders Club, Dar es Salaam na kisha kusafirishwa kwenda kwao nchini Kenya kwa maziko.
“Tunashukuru Mungu mwili wa George Tyson umewasili jana Dar es salaam ukitokea mkoani Morogoro na mwili umehifadhiwa katika hospitali ya Kairuki, kumuaga marehemu itakuwa Leaders Club siku ya Jumanne na baada ya kuuaga mwili utasafirishwa Kenya kwa mazishi.” Mwenyekiti wa Bongo Movies, Steve Nyerere ameambia waandishi wa habari.

George Tyson Otieno, alifariki katika ajali ya gari iliyotokea katika eneo la Gairo, Morogoro alipokuwa akitoka Dodoma na timu ya The Mboni Show kutoa msaada wa madawati kwa shule moja ya msingi na walikuwa wakirudi Dar es Salaam.

Katika gari hilo alilokuwemo marehemu Tyson, walikuwemo watu nane na yeye pekee ndiye aliyepoteza maisha huku wengine wakijeruhiwa.

TOA MAONI YAKO HAPA CHINI