WAPIGANAJI WAPATAO 40 WA KUNDI LA BOKO HARAM LA NIGERIA WAMEUWAWAA NA MAJESHI YA CAMEROON

Makumi ya wanachama wa kundi la Boko Haram la nchini Nigeria wameuawa katika mapigano na vikosi vya usalama vya Cameroon. Kwa mujibu wa redio ya taifa nchini Cameroon, wapiganaji hao wapatao 40 wa kundi hilo waliuawa jana katika mapigano makali na jeshi la nchi hiyo yaliyojiri kaskazini mwa nchi. Mapigano hayo yalitokea huko magharibi mwa mji wa Kousseri karibu na mpaka wa pamoja wa Cameroon, Nigeria na Chad. Aidha mapigano hayo yanatajwa kuibuka baada ya wanamgambo wasiojulikana na wanaodhaniwa kuwa ni wanachama wa kundi hilo, kuwaachilia huru mateka watatu kutoka Italia na Canada waliokuwa wakishikiliwa katika eneo hilo. Itakumbubwa kuwa mwanzoni mwa wiki iliyomalizika, serikali ya Yaoundé inayoongozwa na Rais Paul Biya, ilituma maelfu ya askari maalumu wa kukabiliana na machafuko walioandamana na magari kadhaa ya deraya katika mpaka wa pamoja na Nigeria kwa lengo la kukabiliana na wanachama wa kundi hilo. Kundi la Boko Haram limeshadidisha mashambulizi yake katika siku za hivi karibuni, kikiwemo kitendo cha utekaji nyara wanafunzi wa kike wa shule ya kutwa, suala lililozivutia hisia za waliowengi ndani na nje ya nchi hiyo.

TOA MAONI YAKO HAPA CHINI