UCHAGUZI MKUU NCHINI BURUNDI UNA UMUHIMU MKUBWA KWA JAMII YA KIMATAIFA:MARY ROBINSON

Mary Robinson Mwakilishi Maalumu wa Katibu Mkuu wa Umoja wa Mataifa katika masuala ya Ukanda wa Maziwa Makuu ya Afrika amesisitiza umuhimu wa kufanyika uchaguzi huru na wa haki nchini Burundi. Bi. Mary Robinson ameyasema hayo mara baada ya kukutana na kufanya mazungumzo na Rais Pierre Nkurunziza wa Burundi mjini Bujumbura. Mwakilishi wa Katibu Mkuu wa Umoja wa Mataifa ametaka  ufanyike uchaguzi huru na wa haki mwakani pamoja na kushirikishwa wawakilishi wa mirengo yote ya kisiasa nchini Burundi. Mary Robinson amesema kuwa, uchaguzi mkuu nchini Burundi una umuhimu mkubwa kwa jamii ya kimataifa na kusisitiza kwamba wasimamizi wa kigeni wanapaswa kuhudhuria kabla na wakati wa kufanyika uchaguzi huo. Hivi karibuni Baraza la Usalama la Umoja wa Mataifa lilielezea wasiwasi wake kuhusiana na mivutano ya kisiasa iliyoko nchini Burundi na mbinyo wa uhuru wa kiraia na ule wa vyombo vya habari yakiwemo magazeti.

TOA MAONI YAKO HAPA CHINI